Medias

 "...mampahery anareo mpitarika aho mba tsy harivo salosana!"

Niditra mivantana an-telephone androany tolakandro ny filoha Ravalomanana ary nanamafy ny efa nolazainy tamin'ny farany : "tsy maintsy tafaverina aty Madagasikara aho na ahoana na ahoana. Aza manana ahiahy na mitebiteby satria efa nolaniana ny fampiarana ny tondrozotra ary tsy misy miverina amin'izany intsony. Ampiaro ara-bakiteny izay nifanarahana ary tsy misy izany hoe ao anaty enim-bolana izany fa fifanarahana politika no mitondra io". Ny fampiarana ny tondrozotra dia mitaky demokrasia ka tokony halalaka ny fanehoan-kevitra, tsy tokony enjehina ny fanaovan-gazety. Tsy mbola tanteraka ny fifanekena satria toa izany koa ireo gadra politika izay mboa tsy novotsorana. Tsy izaho no tsy te hody fa sakanana ary tsy izany no voamarika ao anaty tondrozotra.

Tsy maintsy tanterahana ny fifidianana ara-demokratika, avelao hilatsaka izay te hilatsaka, avelao ny vahoaka hisafidy izay tiany hitondra ny fireneny. Ny fanapaha-kevitra noraisin'ny Troïka no ahatafita ny raharaha ara-politika aty Madagasikara. Niantso ireo mpitarika izy teo ampamaranana, ny ampahery ny malagasy, mba tsy hanaiky ataon'ny sasany fitaovana.

Ny teny farany avy amin'ny filoha Ravalomanana : "Tsy tolona ho ahy no atao fa tolona hoan'ny Malagasy!".

...Manambàra amin'ny fomba ofisialy aho fa hirotsaka ho fidiana ho filoham-pirenena ary tsy hihemotra amin'izany! 

Nanombohany ny kabary androany dia ny fitondràna fampiononana hoan'ny fianakavian'izay mana-manjo, izay no maha-malagasy, koa mamangy ny fahoriana hoan'i Rajoelina sy ny fianakaviany aho hoy izy.

Tohiny

Namerina ny fiarabàna an'i Rtoa Dlamini-Zuma ny filoha Marc Ravalomanana amin'izao nahalany azy ho filoha'ny commission'ny UA izao. Zava-dehibe izao hoy izy satria hitovy tanteraka ny feon'ny Sadc sy UA. Hiova tanteraka noho izany ny fandehan'ny raharaha politika eto Madagasikara sy ny famahàna ny krizy. Hisy fanapaha-kevitra aingana hoy izy ny momba ny firenentsika ary azontsika ho raisina toa ny fandresena satria hiova ny fomba fiasan'ireo vondrona rehetra manelanelana. Hisy noho izany hoy izy ny fifidianana malalaka andraisan'ny rehetra anjara ary hisafidianan'ny malagasy izay hitondra azy.